"Ньюкасл"да тўп тепаётган италиялик ярим ҳимоячи Сандро Тонали фаолиятини бошқа клубда давом эттириши мумкин. Бу ҳақда инсайдер Саша Таволери хабар берди. Журналистнинг сўзларига кўра, футболчи ёзги трансфер ойнасида жамоасини ўзгартирмоқчи.
Футболчини Европанинг икки гранди "Реал" ва "Манчестер Сити" яқиндан кузатиб боришмоқда. 24 ёшли ярим ҳимоячининг трансфер қиймати 45 миллион еврога баҳоланмоқда. Сандронинг "магпийлар" билан шартномаси 2028 йилнинг ёзига қадар мўлжалланган.
Тонали жорий мавсумда Англия Премьер-лигасида 30 та ўйин ўтказди. Италиялик футболчи учта гол урди ва иккита голли узатмани амалга оширди.
