"Inter Mayami" hujumchisi Lionel Messi "Manchester Siti"ni boshqarayotgan Xosep Gvardiola haqida gapirdi.
Argentinalik futbolchi 2008-2012 yillarda ispaniyalik murabbiy qo‘l ostida "Barselona"da to‘p tepgan.
"Gvardiola - bu boshqa olam. U hech kim ko‘rmagan narsani ko‘radi. U futbolni o‘zgartirdi. Hamma bizdan nusxa ko‘chirishni xohlardi. Aslida, u shu yo‘l bilan beixtiyor o‘yinga zarar yetkazdi: odamlar qanday o‘ynashni bilmay, bizning "Barselona" kabi o‘ynashga harakat qilishdi. Yarim himoyada Xavi, Inyesta va Busketsdan iborat o‘ziga xos jamoamiz bor edi. Murabbiy va futbolchilarning ideal uyg‘unligi," - deya Messining yangi intervyusidan iqtibos keltiradi AlbicelesteTalk.
