Saudiya Arabistonining "Al-Hilol" klubi direktorlar kengashi raisi Fahad bin Nafel "Inter" rahbariyati bilan muzokara o‘tkazish uchun Milanga jo‘nab ketdi. Bu haqda La Gazzetta dello Sport nashri xabar bermoqda.
Manbaga ko‘ra, "Al-Hilol" jamoa yarim himoyachisi Nikolo Barella va bosh murabbiy Simone Indzagini o‘z safiga qo‘shib olishni istamoqda. Barella bo‘yicha avvalgi taklif rad etilgandi, biroq saudiyaliklar transferdan umidini uzmayapti.
Bir necha kun oldin "Inter" rahbariyati Simone Indzagi bilan shartnomani 2028 yilgacha uzaytirish hech qanday shubha tug‘dirmasligini ma’lum qilgandi.
Agar shunday bo‘lsa, u yiliga 7 million yevro (+ qo‘shimcha to‘lovlar) oladi va A Seriyadagi eng ko‘p maosh oluvchi murabbiyga aylanadi. "Al-Hilol"da Indzagi 20 milliongacha maosh olishi mumkin.













