Саудия Арабистонининг "Ал-Ҳилол" клуби директорлар кенгаши раиси Фаҳад бин Нафел "Интер" раҳбарияти билан музокара ўтказиш учун Миланга жўнаб кетди. Бу ҳақда La Gazzetta dello Sport нашри хабар бермоқда.
Манбага кўра, "Ал-Ҳилол" жамоа ярим ҳимоячиси Николо Барелла ва бош мураббий Симоне Индзагини ўз сафига қўшиб олишни истамоқда. Барелла бўйича аввалги таклиф рад этилганди, бироқ саудияликлар трансфердан умидини узмаяпти.
Бир неча кун олдин "Интер" раҳбарияти Симоне Индзаги билан шартномани 2028 йилгача узайтириш ҳеч қандай шубҳа туғдирмаслигини маълум қилганди.
Агар шундай бўлса, у йилига 7 миллион евро (+ қўшимча тўловлар) олади ва А Сериядаги энг кўп маош олувчи мураббийга айланади. "Ал-Ҳилол"да Индзаги 20 миллионгача маош олиши мумкин.
