"Arsenal" yozda "Nyukasl"ning 24 yoshli vingeri Entoni Gordonni sotib olmoqchi. Bu haqda Football Insider xabar bermoqda.

Manbaga ko‘ra, "kanonirlar" angliyalik futbolchini qo‘lga kiritish uchun katta pul to‘lashlari kerak bo‘ladi. Shu bilan birga, London klubi Gordonga “Nyukasl”dan ham yuqori maosh taklif qilishga tayyor. "Magpiylar" 24 yoshli futbolchini qo‘yib yuborishni istamayapti.

Joriy mavsumda Gordon barcha turnirlarda 36 ta o‘yin o‘tkazib, 9 ta gol urdi va 7 ta golli uzatmani amalga oshirdi. Transfermarkt portalida berilgan ma’lumotlarga ko‘ra, futbolchining bozor qiymati 65 million yevroni tashkil qiladi.