"Арсенал" ёзда "Ньюкасл"нинг 24 ёшли вингери Энтони Гордонни сотиб олмоқчи. Бу ҳақда Football Insider хабар бермоқда.
Манбага кўра, "канонирлар" англиялик футболчини қўлга киритиш учун катта пул тўлашлари керак бўлади. Шу билан бирга, Лондон клуби Гордонга “Ньюкасл”дан ҳам юқори маош таклиф қилишга тайёр. "Магпийлар" 24 ёшли футболчини қўйиб юборишни истамаяпти.
Жорий мавсумда Гордон барча турнирларда 36 та ўйин ўтказиб, 9 та гол урди ва 7 та голли узатмани амалга оширди. Transfermarkt порталида берилган маълумотларга кўра, футболчининг бозор қиймати 65 миллион еврони ташкил қилади.













