"Manchester Siti"ning portugaliyalik yarim himoyachisi Bernardu Silva yozgi transfer oynasida jamoani tark etadi.

Bu haqda Diario Sport nashri xabar bermoqda. Ta’kidlanishicha, 30 yoshli futbolchi "Barselona"ga ko‘chib o‘tishni orzu qiladi, buning uchun u hatto maoshini kamaytirishga ham tayyor.

Biroq Kataloniya klubi Silvaning yuqori maoshi, yoshi va maydon markazidagi yuqori raqobat tufayli uni o‘z safiga qo‘shib olishga qiziqmayapti. 

Silva joriy mavsumda barcha turnirlarda 41 ta o‘yin o‘tkazib, 3 ta gol urdi va 4 ta golli uzatmani amalga oshirdi.