Niderlandiyalik himoyachi Stefan de Vrey manfaatlarini himoya qilayotgan futbol agenti Federiko Pastorello mijozining Milanning "Inter" klubidagi kelajagi haqida gapirdi.
"Stefan yana bir mavsum klubda qoladi," - deya agentning so‘zlarini keltiradi insayder Nikolo Skira ijtimoiy tarmoqdagi sahifasida.
33 yoshli futbolchining "neradzurrilar" bilan amaldagi mehnat shartnomasi muddati joriy yilning iyun oyi oxirigacha mo‘ljallangan. Stefan milanliklar safida 2018 yil yozidan buyon to‘p tepib kelmoqda.













