"Barselona" Ispaniya futbol federasiyasi rahbariyatiga jamoaning Chempionlar ligasi o‘yinlari oldidan dam olishga imkon bermaydigan o‘yinlar jadvali yuzasidan shikoyat qiladi.
"Barselona" klubi joriy mavsum davomida bir necha bor La Liga va Ispaniya futbol federasiyasining jamoaning o‘yinlari uchun belgilagan jadvalidan noroziligini bildirgan edi.
Kecha bosh murabbiyimiz Hansi-Diter Flik ochiqchasiga bildirgan fikrlariga biz to‘liq qo‘shilamiz va uni to‘liq qo‘llab-quvvatlaymiz. Bizningcha, Ispaniya futbolini boshqarayotgan tashkilotlar — bizning klubimiz kabi mavsum so‘ngida bir nechta turnirlarda ishtirok etayotgan jamoalarga nisbatan — yanada ehtiyotkorroq bo‘lishi kerak.
Bu eski muammo, va biz o‘yinlar jadvalini tuzish oson emasligini bilamiz. Ammo "Barcelona" klubi o‘z manfaatlarini himoya qilishda davom etadi — bu milliy hamda xalqaro futbol tashkilotlari oldida bo‘ladi — va o‘yinlar jadvali yanada mantiqiy hamda muvofiq bo‘lishi uchun harakat qiladi.
Shuningdek, klub kelgusida shunga o‘xshash holatlar takrorlanmasligi uchun rasmiy shikoyat bilan futbol boshqaruv organlariga murojaat qiladi. Bu holatlar o‘yinchilarga salbiy tasir qilmoqda", - deyiladi "ko‘k-anorranglilar" bayonotida.
