"Барселона" Испания футбол федерацияси раҳбариятига жамоанинг Чемпионлар лигаси ўйинлари олдидан дам олишга имкон бермайдиган ўйинлар жадвали юзасидан шикоят қилади.
"Барселона" клуби жорий мавсум давомида бир неча бор Ла Лига ва Испания футбол федерациясининг жамоанинг ўйинлари учун белгилаган жадвалидан норозилигини билдирган эди.
Кеча бош мураббийимиз Ҳанси-Дитер Флик очиқчасига билдирган фикрларига биз тўлиқ қўшиламиз ва уни тўлиқ қўллаб-қувватлаймиз. Бизнингча, Испания футболини бошқараётган ташкилотлар — бизнинг клубимиз каби мавсум сўнгида бир нечта турнирларда иштирок этаётган жамоаларга нисбатан — янада эҳтиёткорроқ бўлиши керак.
Бу эски муаммо, ва биз ўйинлар жадвалини тузиш осон эмаслигини биламиз. Аммо "Барcелона" клуби ўз манфаатларини ҳимоя қилишда давом этади — бу миллий ҳамда халқаро футбол ташкилотлари олдида бўлади — ва ўйинлар жадвали янада мантиқий ҳамда мувофиқ бўлиши учун ҳаракат қилади.
Шунингдек, клуб келгусида шунга ўхшаш ҳолатлар такрорланмаслиги учун расмий шикоят билан футбол бошқарув органларига мурожаат қилади. Бу ҳолатлар ўйинчиларга салбий тасир қилмоқда", - дейилади "кўк-анорранглилар" баёнотида.
