O‘zbekiston o‘smirlar terma jamoasi ertaga Osiyo kubogining finalida Saudiya Arabistoniga qarshi final bahsini o‘tkazadi. Mezbonlar bosh murabbiyi Mario da Silva o‘yin oldidan o‘z fikrlarini bildirib o‘tdi.

“O‘zbekistonga qarshi o‘tgan o‘yinda turli omillar ta’sir qildi,” — dedi da Silva. “Ular ikki imkoniyatdan foydalanib gol urishdi, ammo final uchun biz tayyor bo‘lamiz.

“Biz Jiddada ularga qarshi ikki bor o‘ynaganmiz va o‘sha o‘yinlarda yaxshi harakat qilganmiz. Finalda g‘alaba uchun maydonga tushamiz.

“O‘zingiz bilasiz, Yaponiya va Janubiy Koreyaga qarshi o‘yinlar oxirigacha juda og‘ir kechdi. Bu jamoamiz qanday yaxshi jismoniy holatda ekanini isbotlaydi”.