Madridning "Atletiko" klubi autsayderlardan biri - "Las-Palmas"ga imkoniyatni boy berib, chempionlik uchun so‘nggi umidlarini yo‘qotgandek (0:1).

Uchrashuvning 93-daqiqasida Xavi Munyosning aniq zarbasi evaziga mezbonlar "matraschilar"dan ustun keldi.

"Birinchi bo‘limda bizda ikkita ajoyib golli vaziyat bo‘ldi, ulardan foydalana olmadik. Tanaffusdan keyin o‘yin buzildi, hamma narsa biz xohlagandek bo‘lmadi. O‘zgartirishlar keraklicha ta’sir ko‘rsatmadi," - dedi Simeone o‘yindan keyingi intervyusida.