"Manchester Siti" vingeri Jek Grilish yozgi transfer oynasida klubini o‘zgartirishi mumkin.

Manbalarga ko‘ra, 29 yoshli futbolchining xizmatlariga "Aston Villa", "Nyukasl" va "Tottenxem" klublari qiziqish bildirmoqda.

"Manchester Siti" rahbariyati Grilish bo‘yicha takliflarni ko‘rib chiqishga tayyor, ammo vingerning yuqori maoshi transferga to‘sqinlik qilmoqda, deya ta’kidlaydi manba.

Grilish joriy mavsumda barcha turnirlarda 30 ta o‘yin o‘tkazib, 3 ta gol urdi va 5 ta golli uzatmani amalga oshirdi.