"Lester" bosh murabbiyi Rud van Nistelroy shu hafta klub rahbariyati bilan kelajagi haqida gaplashadi.
Kecha o‘z maydonida "Liverpul"dan 0:1 hisobidagi mag‘lubiyat "Lester"ni Premyer-ligada qolish uchun matematik imkoniyatdan mahrum qildi. "Tulkilar" APLda bor-yo‘g‘i bir mavsumdan so‘ng yana Chempionshipga qaytishdi.
TalkSPORT xabariga ko‘ra, van Nistelroy kelasi mavsumda "Lester" boshqaruvida qolishi yoki qolmasligiga yaqin kunlarda oydinlik kiritadi.
Van Nistelroy "Liverpul"dan uchralgan mag‘lubiyatdan so‘ng qolishni istayotganini tasdiqladi, ammo "Lester" rahbarlari Ruud boshqaruvidagi klubning yomon natijalarini hisobga olib, boshqacha qaror qilishlari mumkin.
"Men "Lester"ni yana Premyer-ligaga qaytarishni xohlaymanmi? Hozir shunday qilyapman. Buni eng yaxshi yo‘l bilan amalga oshirish - klub oldidagi maqsad. Lekin, albatta, kutishim va klub vaziyatga qanday qarashini ko‘rishim kerak, shundan keyin hammasi oydinlashadi", - dedi Van Nistelroy.













