Dortmundning "Borussiya" klubi hujumchisi Seru Girassi ma’lum shartlar asosida transfer bozorida qo‘lga kiritilishi mumkin.

Hujumchining "asalarilar" bilan amaldagi shartnomasida faqat ma’lum klublar faollashtirishi mumkin bo‘lgan tovon puli bandi mavjud. Jurnalist Patrik Bergerning yozishicha, gap Madridning "Real," "Barselona," "Manchester Siti," "Manchester Yunayted," "Liverpul," "Chelsi" va "Arsenal" klublari haqida bormoqda. Ushbu imkoniyat yozda, klublar o‘rtasidagi jahon chempionati yakunlangach kuchga kiradi.

Aytgancha, Girassi "Borussiya"ni tark etishga shoshilmayapti. Manbaning ta’kidlashicha, agar dortmundliklar yevrokuboklarga chiqa olmasa va gvineyalikning o‘zi yuqoridagi klublardan biridan jozibador taklif olsa, transfer amalga oshishi mumkin.