Дортмунднинг "Боруссия" клуби ҳужумчиси Серу Гирасси маълум шартлар асосида трансфер бозорида қўлга киритилиши мумкин.

Ҳужумчининг "асаларилар" билан амалдаги шартномасида фақат маълум клублар фаоллаштириши мумкин бўлган товон пули банди мавжуд. Журналист Патрик Бергернинг ёзишича, гап Мадриднинг "Реал," "Барселона," "Манчестер Сити," "Манчестер Юнайтед," "Ливерпуль," "Челси" ва "Арсенал" клублари ҳақида бормоқда. Ушбу имконият ёзда, клублар ўртасидаги жаҳон чемпионати якунлангач кучга киради.

Айтганча, Гирасси "Боруссия"ни тарк этишга шошилмаяпти. Манбанинг таъкидлашича, агар дортмундликлар еврокубокларга чиқа олмаса ва гвинеяликнинг ўзи юқоридаги клублардан биридан жозибадор таклиф олса, трансфер амалга ошиши мумкин.