"Barselona" vingeri Rafinya va "Liverpul" vingeri Muhammad Saloh 2024/25 yilgi mavsumda barcha musobaqalarda o‘z klublari uchun 50 dan ortiq golda qatnashishdi.
Bu ikki futbolchi joriy mavsumda Yevropaning top-5 ligasi vakillari orasida shunday sermahsullik ko‘rsatayotgan ikki futbolchidir.
Kataloniyaliklarning 28 yoshli braziliyalik futbolchisi joriy mavsumda klub safida barcha turnirlar doirasida 48 ta o‘yinda maydonga tushib, 30 ta gol urdi va 21 ta golli uzatmani amalga oshirdi.
Muhammad Saloh mersisaydliklar safida 47 ta o‘yinda maydonga tushdi. 32 yoshli misrlik futbolchi hisobida 32 ta gol va 23 ta golli uzatma bor.
