"Барселона" вингери Рафинья ва "Ливерпуль" вингери Муҳаммад Салоҳ 2024/25 йилги мавсумда барча мусобақаларда ўз клублари учун 50 дан ортиқ голда қатнашишди.

Бу икки футболчи жорий мавсумда Европанинг топ-5 лигаси вакиллари орасида шундай сермаҳсуллик кўрсатаётган икки футболчидир.

Каталонияликларнинг 28 ёшли бразилиялик футболчиси жорий мавсумда клуб сафида барча турнирлар доирасида 48 та ўйинда майдонга тушиб, 30 та гол урди ва 21 та голли узатмани амалга оширди.

Муҳаммад Салоҳ мерсисайдликлар сафида 47 та ўйинда майдонга тушди. 32 ёшли мисрлик футболчи ҳисобида 32 та гол ва 23 та голли узатма бор.