O‘zbekiston futbol assosiasiyasining seleksiya bo‘yicha mutaxassislari Rossiya futbol ittifoqi vakillari bilan uchrashuv o‘tkazdi.

Uchrashuvda turli yosh toifalaridagi terma jamoalar murabbiylari, seleksionerlar, bolalar-o‘smirlar futboli bo‘yicha mas’ul xodimlar ishtirok etdi. Unda seleksiya jarayonlarining ilmiy yondashuv asosida tashkil etish, turnirlar, raqamli tahlil vositalari, videotahlil va ma’lumotlardan samarali foydalanish bo‘yicha fikr almashildi. Shuningdek, zamonaviy texnologiyalar yordamida futbolchilarni aniqlash va baholash uslublari muhokama qilindi.

“Sportbase” tahliliy platformasi vakillari sun’iy intellekt yordamida futbolchilar harakatini baholash, jismoniy va taktik ko‘rsatkichlarni tahlil qilish, videotahlil orqali seleksiya qilish bo‘yicha ma’lumotlar taqdim etdi.

24–27 aprel kunlari delegasiya Moskvaning “Spartak” futbol akademiyasida bo‘lib, seleksiya bo‘yicha mutaxassislar, murabbiylar va IT-ishchi guruhi bilan amaliy uchrashuvlar o‘tkazadi.