Angliyaning «Manchester Yunayted» klubi braziliyalik hujumchi Mateus Kunyaning yozgi transfer oynasida «Vulverxempton»dan o‘tishi borasida kelishib oldi. Goal Brazil xabariga ko‘ra, kelishuv allaqachon yakunlangan va futbolchi bilan shaxsiy shartnoma shartlari ham kelishilgan.

Manbaning xabariga ko‘ra, «qizil iblislar» braziliyalik futbolchi uchun 73 million yevrodan ko‘proq tovon puli to‘lamoqchi. Transferning barcha tafsilotlari Angliyada transfer oynasi ochilmasdan oldin rasmiylashtirilishi kutilmoqda.

Mateus Kunya 2023 yilning yozida Madridning «Atletiko» klubidan «Vulverxempton»ga 50 million yevro evaziga o‘tgan edi. Joriy mavsumda 25 yoshli hujumchi barcha turnirlarda 31 o‘yinda 16 ta gol va 4 ta golli uzatmaga ega.