Ayni kunlarda dunyoning bir qator mamlakatlarida sportning velosport turi bo‘yicha nufuzli musobaqalar bo‘lib o‘tyapti.

Ahamiyatli jihati - bizning velosportchilarimiz ham ( ayol - qizlarimiz) o‘sha turnirlarda ishtirok etayotganligidir.

O‘zbekiston velosport olamida tarih yaratmoqlikka kirishayotgan Yanina Kuskova ham Belgiya shahrida qaynoq haroratda o‘tkazilayotgan "LA FLÉCHE WALLONNE FÉMININE" musobaqasida Ispaniyaning "Laboral kutxa team" jamoasi nomidan ishtirok etgan holda (Legioner) O‘zbekistonga ham muhim ochkolarni ulashishda davom etmoqda.

Shuningdek, Amerika Qo‘shma Shtatlarida o‘tkazilayotgan nufuzli "Tour of The Gila 2025" turnirida yana bir legioner vakilamiz - Nafosat Koziyeva "PATO BIKE BMC TEAM" jamoasi nomidan qatnashib, musobaqa sarhisoblariga ko‘ra, turnir jadvalida kuchli 20 talikka kira oldi. (41 : 41, 91).

Ushbu sportchimiz ham o‘z natijasi bilan yurtimizga muhim bo‘lgan ochkolarni tuhfa etib, kuchlilar orasidan 12 - o‘rinni band qila oldi.

Ma’lumot sifatida qayd etish kerakki, ushbu turnir ko‘p kunlik xalqaro poyga hisoblanadi va bu - Amerikadagi eng mashhur poygalardan biri bo‘lib, 40 yildan ortiq vaqtdan buyon ko‘tarinki kayfiyatda o‘tkazilmoqda. Bu turnirda jahon chempionlari, olimpiada o‘yinlarining chempionlari g‘olib chiqishgan. Kechadan birinchi bosqichga 26,5 km masofaga start berildi.

Ajablanarli tomonlardan biri - bosqichlar tog‘ cho‘qqilarida, 1850 metr, 2500 metr balandlikda bo‘lib o‘tadi. Bu turnirning bosqichlari eng qiyin sharoitda bo‘lishi ko‘pchilikka ayon. Ammo shunga qaramasdan O‘zbekiston sportchilarining ushbu musobaqadagi ko‘rsatkichlari yildan - yilga yaxshilanib borilmoqda.