"Real" yarim himoyachisi Federiko Valverde Ispaniya kubogi finalida "Barselona" bilan o‘yinni jarohati bilan o‘tkazadi, deya xabar beradi Relevo.
Manbaga ko‘ra, yarim himoyachi so‘nggi bir necha haftadan buyon mashg‘ulotlardan biridagi muvaffaqiyatsiz harakat tufayli to‘pig‘ida noqulaylikni his qilmoqda. Qayd etilishicha, futbolchi dori-darmonlar qabul qilmoqda, fizioterapevtlar esa uning ahvolini yengillashtirish uchun bog‘lam qo‘ymoqda.
Joriy mavsumda 26 yoshli urugvaylik futbolchi barcha musobaqalarda 52 ta o‘yin o‘tkazib, 9 ta gol va 8 ta golli uzatmani amalga oshirdi.
