Fransiyaning “Marsel” klubi bosh murabbiyi Roberto De Zerbi angliyalik Jonatan Rouning o‘yini haqida fikr bildirdi.
21 yoshli forvard o‘tgan yozda Angliyaning "Norvich" klubidan ko‘chib o‘tgan edi. "Jonatan mavsumni yaxshi boshladi. Unga muhitning o‘zgarishi ta’sir qildi va natijada u maydonda biroz adashib qolgandek bo‘ldi", - deya mutaxassisning so‘zlarini keltiradi GFFN.
"Shunga qaramay, u ko‘proq o‘yin vaqtiga ega bo‘lishga loyiq. Men uning ko‘proq ishlashini istardim, lekin ba’zida uni tarkibga kiritmay xato qilgan bo‘lib chiqaman. Biz uni qo‘llab-quvvatlashimiz kerak", – deya qo‘shimcha qildi De Zerbi.
Ma’lumot uchun, Rou joriy mavsumda 26 ta bahsda maydonga tushib, 3+3 natijani qayd etdi.
