"Bavariya" keyingi turda "Leypsig"ni mag‘lub etsa, Bundesliga chempioniga aylanadi.

Germaniya chempionatining 31-turida murabbiy Vensan Kompani boshchiligidagi jamoa o‘z maydonida "Mayns"ni mag‘lub etdi (3:0). "Bavariya" ochkolarini 75 taga yetkazib, peshqadamlik qilmoqda.

Chempionatda 2-o‘rinda borayotgan "Bayer" kecha o‘z maydonida "Augsburg"ni mag‘lub etdi (2:0) va 67 ochko jamg‘ardi. Agar Xabi Alonso boshchiligidagi jamoa 31-tur o‘yinida ochko yo‘qotganida, "Bavariya" chempionlikni rasmiylashtirgan bo‘lardi.

Myunxen klubi 32-turda safarda "Leypsig"ni mag‘lub etsa, 3 may kuni Bundesliga chempionligini qo‘lga kiritishi mumkin. "Bavariya" hujumchisi Xarri Keyn sariq kartochkalari ko‘pligi sababli o‘yinni o‘tkazib yuboradi.