"Бавария" кейинги турда "Лейпциг"ни мағлуб этса, Бундеслига чемпионига айланади.
Германия чемпионатининг 31-турида мураббий Венсан Компани бошчилигидаги жамоа ўз майдонида "Майнц"ни мағлуб этди (3:0). "Бавария" очколарини 75 тага етказиб, пешқадамлик қилмоқда.
Чемпионатда 2-ўринда бораётган "Байер" кеча ўз майдонида "Аугсбург"ни мағлуб этди (2:0) ва 67 очко жамғарди. Агар Хаби Алонсо бошчилигидаги жамоа 31-тур ўйинида очко йўқотганида, "Бавария" чемпионликни расмийлаштирган бўларди.
Мюнхен клуби 32-турда сафарда "Лейпциг"ни мағлуб этса, 3 май куни Бундеслига чемпионлигини қўлга киритиши мумкин. "Бавария" ҳужумчиси Харри Кейн сариқ карточкалари кўплиги сабабли ўйинни ўтказиб юборади.
