"Atletiko" bir qancha futbolchilar, jumladan, Kristian Romero bilan bog‘langan, ammo "Atletiko" uni qo‘lga kiritish uchun mablag‘ yig‘ishi kerak. Relevo xabariga ko‘ra, klub Rodrigo De Paul bo‘yicha takliflarni tinglashga tayyor.
Tomonlar o‘rtasida yangi shartnoma bo‘yicha muzokaralar to‘xtab qolgan va yarim himoyachining shartnomasi 2026 yilgacha amal qilishini hisobga olib, klub uni tekinga yo‘qotmaslik uchun uni sotishga qaror qilishi mumkin.
Joriy mavsum De Paul “Atletiko” safida barcha turnirlarda 45 ta o‘yinda maydonga tushib, 3 ta gol va 9 ta golli uzatmaga mualliflik qilgan.
