Nufuzli Goal portali dushanba kuni “Oltin to‘p”ga da’vogarlar reytingining yangilangan versiyasini e’lon qildi.
Ushbu reytingning kuchli uchligidagi o‘rinlar avvalgi versiyaga nisbatan o‘zgarmagan. Yuqorigi o‘rinda Rafinya (“Barselona”), ikkinchi o‘rinda Usmon Dembele (“PSJ”), uchinchi o‘rinda esa Lamin Yamal (“Barselona”) joylashgan.
Ispaniya kubogi finalida chiroyli gol urgan “Barselona” yarim himoyachisi Pedri to‘rtinchi o‘ringa ko‘tarildi.
Keyingi o‘ntalikka Muhammad Saloh (“Liverpul”), Robert Levandovski (“Barselona”), Deklan Rays (“Arsenal”), Lautaro Martines (“Inter”), Xarri Keyn (“Bavariya”) va Kilian Mbappe (“Real”) kiradi.
