Madridning "Real" klubi kelayotgan yozda himoyani kuchaytirmoqchi, ammo yangi futbolchilar uchun ortiqcha pul to‘lamoqchi emas.
"Qaymoqranglilar" "Bornmut"dan Milosh Kerkez va "Benfika"dan Alvaro Fernandesni o‘z safiga qo‘shib olishdan manfaatdor, bu haqda avval ham aytib o‘tgan edik, ammo madridliklarni har ikki chap qanot himoyachisining narxlari qoniqtirmayapti: 21 yoshli vengr uchun 55 mln yevrodan ko‘proq, 22 yoshli ispaniyalik uchun esa 50 mln yevro so‘rashmoqda. Shu munosabat bilan, jurnalist Mario Kortexananing ma’lum qilishicha, "qirollik klubi" 8 mln yevro evaziga xarid qilinadigan "Jirona" futbolchisi Migel Gutyerresni afzal ko‘radi.
23 yoshli Gutyerres "Real" tarbiyalanuvchisi hisoblanadi, uning arzonligi ham shunga bog‘liq: poytaxt grandi "Jirona" futbolchisini sotar ekan, kelishuvga birinchi navbatda qayta sotib olish huquqini kiritgan.
