Мадриднинг "Реал" клуби келаётган ёзда ҳимояни кучайтирмоқчи, аммо янги футболчилар учун ортиқча пул тўламоқчи эмас.
"Қаймоқранглилар" "Борнмут"дан Милош Керкез ва "Бенфика"дан Альваро Фернандесни ўз сафига қўшиб олишдан манфаатдор, бу ҳақда аввал ҳам айтиб ўтган эдик, аммо мадридликларни ҳар икки чап қанот ҳимоячисининг нархлари қониқтирмаяпти: 21 ёшли венгр учун 55 млн евродан кўпроқ, 22 ёшли испаниялик учун эса 50 млн евро сўрашмоқда. Шу муносабат билан, журналист Марио Кортехананинг маълум қилишича, "қироллик клуби" 8 млн евро эвазига харид қилинадиган "Жирона" футболчиси Мигель Гутьерресни афзал кўради.
23 ёшли Гутьеррес "Реал" тарбияланувчиси ҳисобланади, унинг арзонлиги ҳам шунга боғлиқ: пойтахт гранди "Жирона" футболчисини сотар экан, келишувга биринчи навбатда қайта сотиб олиш ҳуқуқини киритган.
