"Inter" markaziy himoyachisi Alessandro Bastoni Chempionlar ligasi yarim final dastlabki o‘yinida "Barselona"ga (3:3) qarshi o‘yinda asosiy tarkibda maydonga tushib, klub safidagi 250-o‘yinini o‘tkazdi.
"Inter"da 250ta o‘yin? O‘zim ham bilmasdim. Bu katta faxr. Umid qilamanki, yana shuncha o‘tkazaman," - dedi Bastoni.
Alessandro Bastoni 2019 yilning yozida "Inter" safiga kelib qo‘shilgan edi. U asta-sekin o‘sib, muxlislarning sevimlisiga aylandi. Uning debyuti 2019 yilning 28 sentyabr kuni A Seriyaning 6-turida "Sampdoriya"ga qarshi o‘yinda bo‘lib o‘tdi va "neradzurrilar" o‘sha o‘yinda 3:1 hisobida g‘alaba qozonishgandi.













