"Barselona" Chempionlar ligasi doirasida "Inter"ga qarshi o‘yinda jarohat olgan va tanaffusga biroz vaqt qolganda almashtirilgan himoyachi Jyul Kundeni yo‘qotdi.

Kataloniya klubi Kundening tekshiruv natijalarini ma’lum qildi, biroq futbolchining tiklanish davri haqida hech qanday ma’lumot bermadi.

AS nashriga ko‘ra, Kundening tiklanishi uchun uch hafta kerak bo‘ladi. Demak, fransuz bir qancha o‘yinlarni, jumladan, "Inter"ga qarshi yarim final javob o‘yinini (6 may) va La Ligadagi "El-Klasiko"ni (11 may) o‘tkazib yuboradi.

2024/2025 yilgi mavsumda Jyul Kunde 53 ta rasmiy o‘yin o‘tkazib, 4 ta gol urdi va jamoadoshlariga 8 ta golli uzatmani amalga oshirdi.