"Liverpul" ustozi Arne Slotning fikricha, Angliya chempionatidagi g‘alabadan so‘ng mersisaydliklarga yangi futbolchilarni jalb qilish osonroq bo‘ladi.
"O‘ylaymanki, Premyer-ligadagi g‘alabadan keyin klubimiz va mahalliy muxlislarning o‘ziga xosligi nimada ekanligini hech kimga aytishim shart bo‘lmaydi. Chempionlik, muxlislarimiz - biz qo‘lga kiritmoqchi bo‘lgan har qanday futbolchi uchun yaxshi xo‘rak," - deya niderlandiyalik murabbiyning so‘zlarini keltiradi The Guardian.
Mavsum tugashiga 4 tur qolganida "Liverpul" muddatidan avval Angliya chempioniga aylandi. Keyingi uchrashuvda "qizillar"ga Londonning "Chelsi" klubi raqiblik qiladi.
