Lissabonning "Sporting" klubi safida to‘p tepayotgan markaziy hujumchi Viktor Dyokeresh yozgi transfer oynasida Londonning "Arsenal" klubi nishonida turibdi. Bu haqda insayder Florian Plettenberg ijtimoiy tarmoqlar orqali xabar bermoqda.
Agar Dyokeresh uchun 60-70 million yevro taklif qilinsa, u Portugaliya klubini tark etishi mumkin. Shvesiyalik to‘purarning xaridiga "kanonirlar" sport direktori Andrea Berta qiziqish bildirmoqda.
Joriy mavsumda skandinaviyalik hujumchi 48 ta bahsda ishtirok etdi. Dyokeresh o‘z hisobiga 52 ta gol va 12 ta golli uzatmani yozdirib qo‘ydi. Uning lissabonliklar bilan shartnomasi 2028 yilning yarmigacha mo‘ljallangan.
