Лиссабоннинг "Спортинг" клуби сафида тўп тепаётган марказий ҳужумчи Виктор Дьёкереш ёзги трансфер ойнасида Лондоннинг "Арсенал" клуби нишонида турибди. Бу ҳақда инсайдер Флориан Плеттенберг ижтимоий тармоқлар орқали хабар бермоқда.
Агар Дьёкереш учун 60-70 миллион евро таклиф қилинса, у Португалия клубини тарк этиши мумкин. Швециялик тўпурарнинг харидига "канонирлар" спорт директори Андреа Берта қизиқиш билдирмоқда.
Жорий мавсумда скандинавиялик ҳужумчи 48 та баҳсда иштирок этди. Дьёкереш ўз ҳисобига 52 та гол ва 12 та голли узатмани ёздириб қўйди. Унинг лиссабонликлар билан шартномаси 2028 йилнинг ярмигача мўлжалланган.
