Londonning "Arsenal" klubi sardori Martin Edegor jamoasining "Bornmut"ga (1:2) qarshi o‘yindagi mag‘lubiyati haqida fikr bildirdi.

Mikel Arteta jamoasi 67-daqiqagacha hisobda oldinda borgan bo‘lsa-da, o‘z maydonida mag‘lub bo‘ldi.

"Hafsalam pir bo‘ldi. O‘yinni yaxshi boshladik, gol ura oldik va vaziyatni to‘liq nazorat qilayotganimizni his qildik. Keyin "Bornmut" hisobni tenglashtirdi va biz nazoratni yo‘qotdik. Shundan so‘ng biz kerakli ritmni topa olmadik, juda tartibsiz va beparvo harakat qildik. Ikkinchi bo‘limni nomaqbul darajada o‘tkazdik," - deya Edegorning so‘zlarini keltiradi BBC.