Лондоннинг "Арсенал" клуби сардори Мартин Эдегор жамоасининг "Борнмут"га (1:2) қарши ўйиндаги мағлубияти ҳақида фикр билдирди.
Микель Артета жамоаси 67-дақиқагача ҳисобда олдинда борган бўлса-да, ўз майдонида мағлуб бўлди.
"Ҳафсалам пир бўлди. Ўйинни яхши бошладик, гол ура олдик ва вазиятни тўлиқ назорат қилаётганимизни ҳис қилдик. Кейин "Борнмут" ҳисобни тенглаштирди ва биз назоратни йўқотдик. Шундан сўнг биз керакли ритмни топа олмадик, жуда тартибсиз ва бепарво ҳаракат қилдик. Иккинчи бўлимни номақбул даражада ўтказдик," - дея Эдегорнинг сўзларини келтиради BBC.
