"Chelsi" yarim himoyachisi Moyses Kaysedo jamoaning mavsumdagi eng yaxshi futbolchisi deb topildi.
Ekvadorlik futbolchi ovoz berish jarayonida barcha raqiblarini ortda qoldirib, faxriy mukofotga sazovor bo‘ldi, deb xabar berdi klub matbuot xizmati. Bundan tashqari, 23 yoshli xavbek "Chelsi" va jamoadoshlari talqiniga ko‘ra mavsumning eng yaxshi futbolchisi deb topildi.
Moyses Kaysedo 2023 yilning yozida "Brayton"dan 116 mln yevro evaziga "ko‘klar" safiga qo‘shilgandi. Joriy mavsumda u barcha musobaqalarda Enso Mareska jamoasi safida 41 ta o‘yinda maydonga tushib, 1 ta gol va 4 ta assistni o‘z hisobiga yozdirib qo‘ydi.
