Ukrainalik hujumchi Artyom Dovbik "Roma"ni tark etib, Ispaniya chempionatiga qaytishi mumkin. Bu haqda Todofichajes portali sahifalarida ma’lum qilindi.
Manbaga ko‘ra, hujumchi sobiq klubi "Jirona"ga o‘tishi mumkin. 27 yoshli hujumchi agar jamoa La Ligada qolsa, bunday variantni ko‘rib chiqishga tayyor. "Jirona" 33 o‘yindan so‘ng 35 ochko jamg‘arib, turnir jadvalida 16-o‘rinda bormoqda.
Dovbik o‘tgan yilning avgust oyida Rim klubi futbolchisiga aylangan edi. Ukrainalik futbolchi 2029 yil iyun oyi oxirigacha shartnoma imzoladi. Transfermarkt portali hujumchining bozor narxini 30 million yevroga baholamoqda.
