"Barselona" vingeri Rafinya Dias jamoaning sobiq bosh murabbiyi Xavi Ernandes bilan ishlashda yuzaga kelgan muammolarni yodga oldi.
Ispaniyalik murabbiy o‘tgan mavsum yakunlangach, lavozimini tark etdi va uning o‘rnini Xans-Diter Flik egalladi.
"Men Xavi va uning murabbiylar shtabi menga yetarli darajada ishonmayotganini his qildim. Ba’zida maydonda hamma narsani qildim, lekin baribir 60-daqiqada almashtirildim. Vaziyatni to‘g‘rilashga harakat qildim, Xavi bilan gaplashdim, ammo vaziyat o‘sha-o‘sha edi - uning o‘z fikrlash tarzi bor edi.
Mashhur bir video bor, unda men zaxiraga olinganimdan jahl bilan, o‘rindiqqa musht tushirganman. Menimcha, bu "Manchester Yunayted"ga qarshi o‘yinda bo‘lgandi, u yerda men juda yaxshi o‘ynadim, gol urdim va golli uzatmani amalga oshirdim. O‘zimni juda yaxshi his qildim, hammasini uddalay oldim, ammo 2:2 hisobida aynan meni Xavi birinchi bo‘lib almashtirishga qaror qildi. Men bunga ishongim kelmasdi," - deya Rafinyaning so‘zlarini keltiradi jurnalist Rashad Rahmon.
