"Барселона" вингери Рафинья Диас жамоанинг собиқ бош мураббийи Хави Эрнандес билан ишлашда юзага келган муаммоларни ёдга олди.
Испаниялик мураббий ўтган мавсум якунлангач, лавозимини тарк этди ва унинг ўрнини Ханс-Дитер Флик эгаллади.
"Мен Хави ва унинг мураббийлар штаби менга етарли даражада ишонмаётганини ҳис қилдим. Баъзида майдонда ҳамма нарсани қилдим, лекин барибир 60-дақиқада алмаштирилдим. Вазиятни тўғрилашга ҳаракат қилдим, Хави билан гаплашдим, аммо вазият ўша-ўша эди - унинг ўз фикрлаш тарзи бор эди.
Машҳур бир видео бор, унда мен захирага олинганимдан жаҳл билан, ўриндиққа мушт туширганман. Менимча, бу "Манчестер Юнайтед"га қарши ўйинда бўлганди, у ерда мен жуда яхши ўйнадим, гол урдим ва голли узатмани амалга оширдим. Ўзимни жуда яхши ҳис қилдим, ҳаммасини уддалай олдим, аммо 2:2 ҳисобида айнан мени Хави биринчи бўлиб алмаштиришга қарор қилди. Мен бунга ишонгим келмасди," - дея Рафиньянинг сўзларини келтиради журналист Рашад Раҳмон.
