Peru poytaxti Lima shahrida og‘ir atletika bo‘yicha o‘smirlar va yoshlar o‘rtasidagi jahon chempionati o‘z yakuniga yetdi. Musobaqaning so‘nggi kunida hamyurtimiz Qudratbek Salimjonov (yoshlar) -109 kg vazn toifasining dast ko‘tarish mashqida bronza medaliga sazovor bo‘ldi.

Shu tariqa, O‘zbekiston terma jamoasi a’zosi mazkur musobaqada 3 ta oltin, 7 ta kumush va 7 ta bronza, jami 17 ta medal jamg‘ardi.

Mohinur Esonboyeva - 2 ta oltin va 1 ta bronza;
Alisher Osmanov - 1 ta oltin va 2 ta kumush;
Marjona Abdumutalova - 2 ta kumush va 1 ta bronza;
Munisbek Davletov - 2 ta kumush;
Diyorbek Ro‘zmetov - 1 ta kumush va 2 ta bronza;
Xikmatillo Xaydarov - 1 ta bronza;
Dilnura Xoldorova - 1 ta bronza;
Qudratbek Salimjonov - 1 ta bronza.

O‘zbekiston Milliy Olimpiya qo‘mitasi ushbu natija bilan mamlakat og‘ir atletika federasiyasi, sportchi va murabbiylarimizni tabriklab, yosh polvonlarimizning kelgusi faoliyatida ham ulkan muvaffaqiyat tilab qoladi.