Italiyaning "Piza" klubi bosh murabbiyi Filippo Indzagi "Barselona" futbolchisi Lamin Yamalning unda qoldirgan taassurotlari haqida gapirdi.
"Lamin Yamalni ko‘rganimda jim bo‘lib qolgandim, u Messiga o‘xshaydi", - dedi Indzagi La Gazzetta dello Sport bilan suhbatda.
Filipponing akasi Simone Indzagi boshchiligidagi Italiyaning "Inter" klubi bugun oqshom Chempionlar ligasi yarim finalining javob uchrashuvida kataloniyaliklar bilan kuch sinashadi. "Pippogol" ushbu uchrashuv haqida ham fikr bildirdi.
"Endi Simone ularni qanday mag‘lub etish haqida o‘ylashi kerak", - deydi u.
"Inter" - "Barselona" uchrashuvi Toshkent vaqti bilan soat 23:59da boshlanadi. Jamoalar o‘rtasidagi birinchi o‘yin 3:3 hisobida durang bilan yakunlangan edi.
