“Barselona” jamoasi Chempionlar Ligasining yarim finalida “Inter”ga qarshi ikki uchrashuv natijasida 7 ta gol o‘tkazib yubordi — bu so‘nggi 12 yilda ilk bor ro‘y berdi. Birinchi o‘yin 3:3 hisobida yakunlansa, javob bahsi qo‘shimcha vaqtda 3:4 hisobida “Inter” foydasiga yakun topdi.

Bu holat oxirgi marta 2012/13 yilgi mavsumda kuzatilgan. O‘shanda “Barselona” yarim finalda “Bavariya”ga qarshi 0:4 va 0:3 hisoblarida mag‘lub bo‘lgan edi.

Shuningdek, qayd etish joizki, 2019/20 yilgi mavsumda ham “Barsa” “Bavariya”dan 2:8 hisobida yutqazgan, biroq o‘sha uchrashuv yakka o‘yin tarzida o‘tkazilgandi.