“Барселона” жамоаси Чемпионлар Лигасининг ярим финалида “Интер”га қарши икки учрашув натижасида 7 та гол ўтказиб юборди — бу сўнгги 12 йилда илк бор рўй берди. Биринчи ўйин 3:3 ҳисобида якунланса, жавоб баҳси қўшимча вақтда 3:4 ҳисобида “Интер” фойдасига якун топди.

Бу ҳолат охирги марта 2012/13 йилги мавсумда кузатилган. Ўшанда “Барселона” ярим финалда “Бавария”га қарши 0:4 ва 0:3 ҳисобларида мағлуб бўлган эди.

Шунингдек, қайд этиш жоизки, 2019/20 йилги мавсумда ҳам “Барса” “Бавария”дан 2:8 ҳисобида ютқазган, бироқ ўша учрашув якка ўйин тарзида ўтказилганди.