Transfer yozi yaqinlashmoqda va "Real Madrid" o‘z tarkibini kuchaytirish ustida ishlamoqda.
Marca xabariga ko‘ra, Madrid klubi markaziy himoyachi pozisiyasiga yangi o‘yinchi sotib olish zaruratidan xabardor.
Manba bergan xabarga ko‘ra, "los-blankos" qiziqarli variant sifatida "Bornmut"dan Din Xeysenni sotib olish variantini ko‘rib chiqmoqda.
Bir necha yil avval madridliklar ispaniyalik futbolchiga qiziqish bildirgandi. Hozirda Xeysen Premyer-ligada yaxshi harakat qilmoqda, futbolchiga qiziqish kuchaygan.
