“Arsenal” jamoasi 2024/2025 yilgi mavsum yozida markaziy hujumchi transferiga alohida e’tibor qaratmoqchi. Chempionlar Ligasida “PSJ”ga qarshi o‘yinda ham Mikel Arteta hujum markaziga hatto nominal yarim himoyachi Mikel Merinoni joylashtirishga majbur bo‘ldi.

The Telegraph xabariga ko‘ra, “kanonirlar” Aleksandr Isakni “Nyukasl”dan sotib olishni real deb hisoblashmayapti — shvedni arzon narxda olish ehtimoli juda past.

Shuning uchun “Arsenal”ning sport direktori Andrea Berta yana bir shved — “Sporting” forvardi Viktor Dyokereshni asosiy maqsad sifatida tanlagan. 26 yoshli hujumchi eng haqiqiy variant sifatida ko‘rilmoqda.

Ma’lumotlarga ko‘ra, agar “Manchester Yunayted” va “Arsenal” bir vaqtda taklif bilan chiqsa, Dyokeresh London klubini tanlashi kutilmoqda.

Transfermarkt portali Viktor Dyokereshning transfer qiymatini 75 million yevro deb baholagan.