Lorenso Pellegrini sonidan olgan jarohati tufayli mavsum oxirigacha safdan chiqdi.
"Roma" sardori mashg‘ulot paytida mushaklaridan jarohat oldi. Yarim himoyachining tekshiruv natijalari o‘ng son kvadrisepsining shikastlanganini ko‘rsatdi.
Endi taxminan ikki oyni o‘tkazib yuborish xavfi ostida bo‘lgan futbolchi konservativ davolanish va operasiya o‘rtasida tanlov qilishi kerak bo‘ladi.
Il Messaggero nashri futbolchining jarohati uning jamoadagi kelajagiga ta’sir qilishi mumkinligini ta’kidlamoqda. Pellegrinining shartnomasi 2026 yilgacha mo‘ljallangan va o‘tgan yili tomonlar uni uzaytirish masalasini muhokama qilmagan.
Yanvar oyida "Jallorossi" futbolchisiga "Inter" va "Napoli" qiziqish bildirgandi, ammo olingan jarohat ehtimoliy transfer bilan bog‘liq vaziyatni murakkablashtirmoqda.
Bu mavsumda Lorenso A Seriyada 25 ta o‘yinda maydonga tushib, 2 ta gol urdi va 1 ta golli uzatmani amalga oshirdi.
