Лоренцо Пеллегрини сонидан олган жароҳати туфайли мавсум охиригача сафдан чиқди.
"Рома" сардори машғулот пайтида мушакларидан жароҳат олди. Ярим ҳимоячининг текширув натижалари ўнг сон квадрицепсининг шикастланганини кўрсатди.
Энди тахминан икки ойни ўтказиб юбориш хавфи остида бўлган футболчи консерватив даволаниш ва операция ўртасида танлов қилиши керак бўлади.
Il Messaggero нашри футболчининг жароҳати унинг жамоадаги келажагига таъсир қилиши мумкинлигини таъкидламоқда. Пеллегринининг шартномаси 2026 йилгача мўлжалланган ва ўтган йили томонлар уни узайтириш масаласини муҳокама қилмаган.
Январь ойида "Жаллоросси" футболчисига "Интер" ва "Наполи" қизиқиш билдирганди, аммо олинган жароҳат эҳтимолий трансфер билан боғлиқ вазиятни мураккаблаштирмоқда.
Бу мавсумда Лоренцо А Серияда 25 та ўйинда майдонга тушиб, 2 та гол урди ва 1 та голли узатмани амалга оширди.
