Tez orada Xabi Alonso "Real"ning yangi bosh murabbiyiga aylanadi. Juma kuni "Bayer" tomonlar kelishuviga ko‘ra 43 yoshli mutaxassis bilan shartnomani bekor qilganini ma’lum qildi.
Marca xabariga ko‘ra, Alonso "Real" bilan muzokaralar chog‘ida Madrid klubidagi transferlar to‘liq nazorat ostida ekanini tushunib yetgan. Murabbiy ovoz berish huquqiga ega va g‘oyalarni taklif qilishi mumkin, ammo keyinchalik hamma narsa klub strategiyasiga muvofiq amalga oshiriladi.
Shuningdek, muzokaralar davomida "Real"ga katta kadrlar inqilobi kerak emasligi ma’lum bo‘ldi. Madridliklar Trent Aleksandr-Arnold transferini deyarli yopib bo‘lgan va endi chap qanot himoyachisi, yarim himoyachi va markaziy himoyachi bilan shartnoma imzolash bo‘yicha ish olib bormoqda, bu esa Alonsoning qarashlariga mos keladi.
