Тез орада Хаби Алонсо "Реал"нинг янги бош мураббийига айланади. Жума куни "Байер" томонлар келишувига кўра 43 ёшли мутахассис билан шартномани бекор қилганини маълум қилди.
Marca хабарига кўра, Алонсо "Реал" билан музокаралар чоғида Мадрид клубидаги трансферлар тўлиқ назорат остида эканини тушуниб етган. Мураббий овоз бериш ҳуқуқига эга ва ғояларни таклиф қилиши мумкин, аммо кейинчалик ҳамма нарса клуб стратегиясига мувофиқ амалга оширилади.
Шунингдек, музокаралар давомида "Реал"га катта кадрлар инқилоби керак эмаслиги маълум бўлди. Мадридликлар Трент Александр-Арнольд трансферини деярли ёпиб бўлган ва энди чап қанот ҳимоячиси, ярим ҳимоячи ва марказий ҳимоячи билан шартнома имзолаш бўйича иш олиб бормоқда, бу эса Алонсонинг қарашларига мос келади.
